Basha: Ky shesh nuk do të lirohet, deri në fitore NULL NULL 26.02.2017 18:50 26.02.2017 18:50 Në ditën e nënttë të protestës së opozitës, kanë marrë pjesë edhe dy përfaqësues të partisë kristian-demokrate gjermane, CDU. Në fjalën e tij për të pranishmit njëri nga përfaqësuesit përshëndeti të pranishmit dhe i inkurajoi ata që të vazhdojnë rrugën e nisur dhe të mos tërhiqen. Gjithashtu ata nuk ngurruan të nxjerrin në pah mbështetjen dhe konsideratën e lartë për liderin e opozitës, Lulzim Bashëm. “Kam ardhur këtu për Lulzim Bashën, me të cilin jemi takuar disa herë nëpër Evropë. Ne duam të mbështesim dhe inkurajojmë ata që protestojnë luftojnë për barazi dhe mbrojtje të ligjit. Ku duhet të vazhdoni luftën tuaj deri në fitoren e saj sepse në të ardhmen do të hyni në histori për këtë që po bëni”, u shpreh njëri nga përfaqësuesit e CDU-së, shkruan Top Channel. Nga ana e tij, kreu i opozitës, Lulzim Basha falenderoi përfaqësuesit e CDU-së për mbështetjen që po ia japin atij dhe protestës që ai drejton dhe paralajmëroi se protestuesit nuk do të tërhiqen deri në arritjen e objektivave të kësaj proteste. “Ky shesh nuk do të lirohet, deri në fitore”, tha Basha në mbyllje të fjalës së tij. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Lajme Rusia mbyll mbikëqyrjen e OKB-së për ndjekjen e sanksioneve ndaj Koresë së Veriut 7 minuta më parë