Aziz Salihu në gjendje shumë të rëndë, dërgohet për shërim në Turqi

Ish-boksieri i famshëm kosovar, Aziz Salihu, është në gjendje të rëndë shëndetësore, ndaj familja e ka dërguar për shërim në Turqi.

Djali i Salihut, Mentori, ka publikuar një fotografi të babait të tij në llogarinë personale në Facebook dhe ish-olimpisti shihet në një gjendje vërtetë të rëndë, njofton Klan Kosova.

Mentori është ankuar edhe në stafin e mjekëve të Qendrës Klinike Universitare të Kosovës, për të cilët ka thënë se ka tash e dy muaj që nuk arritën të marrin vesh se nga çka po vuan Salihu.

“Ka 2 muaj i padiagnostifikuar ne spitalin infektiv në Prishtinë duke iu kërkuar gjithmonë një përgjigje mjekëve dhe duke i lutur të na tregojnë se a janë në gjendje ta shërojnë a jo, apo ta dërgojmë diku jashtë, gjithmonë me fjalën ‘mirë është ne e kemi në dorë’, dhe ja si duket Aziz Salihu”, ka shkruar Mentori në Facebook.

Prandaj familja e ka parë të arsyeshme që ta dërgojnë në një shtet tjetër për ta shëruar Salihun.

“Me shpresën për një mundësi të dytë për shërim sot transferohet ne Turqi”.

klankosova.tv

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.