Avni Arifi: BE-ja e kënaqur me rezultatet e Kosovës për implementimin e marrëveshjeve

Delegacioni i Kosovës për dialogun me Serbinë, i kryesuar nga Avni Arifi, ka zhvilluar një takim me zyrtarët më të lartë të Bashkimit Evropian, kryesuar nga Thomas Busch, në Bruksel.

Në këtë takim, delegacioni nga Kosova prezantuan rezultatet e punës së tyre në procesin e dialogut, me ç’rast zyrtarët e Bashkimit Evropian e vlerësuan punën e tyre.

Shef i delegacionit kosovar, Avni Arifi është shprehur i kënaqur me vlerësimin e BE-së për rezultatet e Kosovës.

“Ka qenë takim i rregullt ku raportojmë para vendeve anëtare të BE-së. Në asnjë moment asnjë zyrtarë nuk është shprehur negativisht për institucionet e Kosovës. Janë përmend vonesat për tabela të regjistrimit të veturave, mirëpo nuk ka pasur asgjë tjetër. Konkluzioni përfundimtar i zyrtarëve të BE-së është që rezultatet e Kosovës në implementimin e marrëveshjeve janë të kënaqshme”.

Në lidhje me asociacionin Arifi ka deklaruar se do të realizohet në përputhshmëri me kushtetutën e Kosovës.

“Kosova ka implementuar të gjitha marrëveshjet. Ajo çka ka ngelur pa u implementuar nga ana e Kosovës është çështja e Asociacionit të Komunave me Shumicë Serbe. Kjo ka ngecur për shkak të shkeljeve kushtetuese. BE-ja është përcaktuar për një asociacion konform kushtetutës së Kosovës”.

Ai gjithashtu theksoi se do të insistojnë që në raundin e ardhshëm të diskutohet në lidhje me energjinë dhe se nuk do të tërhiqen pa nënshkrimin e një marrëveshje dypalëshe.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.