Ariana Grande e quan veten dhe të fejuarin “çift acarues”

Ariana Grande e ka quajtur veten dhe Pete Davidson “çift acarues”, pas një postimi që ata e kanë bërë ku shihen duke u ledhatuar.

Vetëm pse ajo dhe i fejuari i saj janë në “lulet” e dashurisë, kjo nuk do të thotë se këngëtarja nuk e kupton se sa shumë mund t’i shqetësojë të tjerët shfaqja e dashurisë së tyre në publik.

Në një fotografi bardh e zi që këngëtarja e ka postuar të premten në Instagram, çifti janë duke u përkëdhelur në shtrat, transmeton Klan Kosova.

“Zemra ime më do mua”, ka shkruar 25 vjeçarja Grande poshtë fotografisë duke e shtuar edhe një emotikon me re, një simbol që të dy e kanë tatuazh në gishtërinjtë e tyre.

View this post on Instagram

my baaaaaby loves me 🌩

A post shared by Ariana Grande (@arianagrande) on Jul 20, 2018 at 4:30pm PDT

Davidson është përgjigjur në koment duke thënë se ai “e do më shumë se gjithçka”. Grande i është përgjigjur menjëherë duke i thënë se “ne jemi acarues” duke nënkuptuar se kjo shfaqje e dashurisë së tyre në publik, mund t’i acarojë të tjerët.

Grande dhe Davidson asnjëherë nuk kanë pasë turp ta tregojnë dashurinë e tyre në publik, ashtu sikur edhe në rrjete sociale.

Madje së fundmi, Grande e ka quajtur të fejuarin e saj “mbreti i Instagramit” kur ai ka komentuar në një fotografi të saj nga videoklipi i fundit duke e cilësuar atë si “ikonë”.

Dashuria e tyre është e madhe, dhe këtë së fundmi, Grande e ka dëshmuar edhe me këngën që mban emrin “Pete”në albumin e saj të ri “Sweetener”.

“Ai është i fejuari im. Ky është albumi im. Jam e sinqertë dhe emocionale, si artiste ashtu edhe si njeri. Nëse sinqeriteti im në punë ju pengon, kjo është OK. Nuk do të ofendohem”, i është përgjigur një fanse Grande më herët gjatë kësaj jave.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.