Adoleshenti bëhet me patentë shofer, policia ia konfiskon menjëherë

Policia në Gjermani e ka ndarë një lajm interesant me ndjekësit e tyre në Facebook.

49 minuta pasi e kishte kaluar testin dhe ishte pajisur me patentë shofer, një 18-vjeçar në rajonin e Markischer Kreis i kishte shkelur menjëherë rregullat e komunikacionit, duke bërë që policia t’ia konfiskonte dokumentin aty për aty.

Organet e rendit atje treguan se adoleshenti është kapur duke i ngarë veturës mbi shpejtësinë e lejuar, në mënyrë që t’i binte në sy pasagjerëve të tij të rinj.

Me këtë veprim atij i është revokuar patentë shoferi për katër javë dhe do t’i duhet të marrë pjesë në kurse trajnimi para se ta rimerr sërish. Përveç kësaj, shoferit të ri po ashtu i është shqiptuar edhe një gjobë komunikacioni në vlerë prej 228 eurosh.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.