15:19, 9 Nëntor 2018

Agjencia Evropiane e Mjedisit ka njoftuar se Kosova kishte 3 mijë e 700 vdekje në vit nga ajri i ndotur, duke u renditur e para në Europë.

Ajri i ndotur ka shkaktuar humbjen e jetës së 0.2% të popullsisë.

Agjencia Evropiane e Mjedisit në raportin “Cilësia e ajrit në Evropë – 2018” ka publikuar të dhënat për vdekjet në vlerë absolute.

Raporti paraqet të dhënat më të fundit zyrtare të cilësisë së ajrit të raportuara nga më shumë se 2 mijë e 500 stacione monitorimi dhe i referohet vitit 2015, shkruan Kosova Press.

Në Serbi, ky tregues është 0.18% nga numri i popullsisë, rreth 13 mijë vdekje, dhe në Maqedoni 0.14% të popullsisë ose 3 mijë vdekje, duke u renditur përkatësisht në vend të dytë dhe të tretë në Evropë.

Pavarësisht shifrave, sipas këtyre matjeve, Maqedonia rezulton të ketë përqendrim më të lartë të grimcave të ndotjes së ajrit se sa të gjithë vendet tjera të rajonit.

klankosova.tv